Dy të rinj nga ky vend i Kosovës kapen me 182 kg drogë në kufi me Serbinë
Se ka arrestuar dy persona dhe ka sekuestruar 182 kilogramë marihuanë në kufi me Serbinë, ka njoftuar Policia e Kosovës, transmeton gazeta “Kosova Sot Online”.
Dy të dyshuarit janë vëllezërit nga Gjilani Driton Haziri dhe Yllzon Haziri.
Policia ka njoftuar gjatë ditës se Njësia e Task Forcës e Policisë Kufitare – Lindje me Drejtorinë për Hetimin e Trafikimit me Narkotikë në zonën kufitare Kosovë- Serbi është ndaluar vetura e dyshuar me targa vendore e cila pas kontrollimit nga njësitë policore tek e njëjta është gjetur sasi e dyshuar e narkotikëve të llojit marihuanë e cila dyshohet se ishte duke u transportuar nga Serbia për në Republikën e Kosovës.
Lidhur me rastin janë arrestuar Dritoni dhe Yllzoni, për transportim me narkotikë si dhe janë sekuestruar narkotikë në sasi prej 182 kg. të llojit marihuanë, ku vlera e kësaj substance narkotike në treg dyshohet të jetë rreth 400.000 euro.
Si prova materiale relevante për rastin janë sekuestruar një veturë dhe një kombi me targa vendore të cilat janë përdorur në rast si dhe dy telefona celularë.
Të dyshuarit pas intervistimit me vendim të prokurorit dërgohen në ndalim policor prej 48 orësh.
(Kosova Sot Online)
