Escobar e cilëson SHBA-në si vendin më prokosovar në botë
Si diskutim mbresëlënës takimin me të Dërguarin Special për Ballkanin Perëndimor, Gabriel Escobar, e ka cilësuar kryeparlamentarja e Shqipërisë, Lindita Nikolla, transmeton gazeta "Kosova Sot Online".
Nikolla, informon se Escobar e cilësoi SHBA-në si vendin më prokosovar në botë.
“Theksoi se ato janë të vendosura për mbrojtjen e pavarësisë, sovranitetit, integritetit dhe sigurisë së Kosovës, dhe pranimin e saj në organizatat ndërkombëtare”, ka ndarë detaje nga takimi Nikolla
Ajo rithekson se SHBA mbështet dialogun e lehtësuar nga BE, mes Kosovës dhe Serbisë.
“Dialogu Kosovë-Serbi është e vetmja rrugë drejt paqes dhe sigurisë në rajon”, është shprehur Nikolla.
(Kosova Sot Online)