Krasniqi: Kryeministri i di mirë shifrat e larta të qytetarëve që e kanë lëshuar Kosovën, po frikësohet nga zyrtarzimi i tyre
Kreu i PDK-së, Memli Krasniqi, ka thënë se sot do të duhej të fillonte regjistrimi i poullësisë, por thekson se atë po e pengon kryeministri i Kosovës, Albin Kurti, përcjell “Kosova Sot Online”.
Kryetari i PDK-së ka thënë se Kurti e ka politizuar Agjencinë e Statistikave dhe përveç kësaj shton se e ka humbur kontrollin faktik në Veri të vendit.
Tutje, Krasniqi ka thënë se Kryeministri i di mirë shifrat e larta të qytetarëve që e kanë lëshuar Kosovën, prandaj po frikësohet nga zyrtarzimi i tyre.
Krasniqi shtoi se ky (mos)veprim i Qeverisë është edhe shkelje ligjore.
Reagimi i plotë:
Sot është dashur të filloj regjistrimi i popullsisë në Kosovë, edhe pse me vonesë të madhe. Por, siç e kam thënë publikisht me 5 korrik, me 24 gusht dhe shumë herë të tjera deri sot, regjistrimin e popullsisë po e pamundëson Kryeministri Kurti.
Përveç që e ka politizuar skajshëm me ndërhyrje partiake Agjencinë e Statistikave të Kosovës, si dhe ka humbur kontrollin faktik në pjesën veriore të vendit, Kryeministri i di mirë shifrat e larta të qytetarëve që e kanë lëshuar Kosovën, prandaj po frikësohet nga zyrtarzimi i tyre.
Përtej paaftësisë qeverisëse, ky (mos)veprim i Qeverisë është edhe shkelje ligjore!
(Kosova Sot Online)