Lexoni edhe:
Me kërkesë të prokurorit, shtyhet seanca e rigjykimit ndaj dy ish-policëve të akuzuar për marrje ryshfeti
Haziri pas takimit me Lajcak: Po vazhdojmë të mbetemi në terr sa i përket draftit, Kurti të japë shpjegime
Nënkryetari i LDK-së, Lutfi Haziri, është takuar sot me emisarin e BE-së për dialogun Kosovë-Serbi, Miroslav Lajcak. Haziri ka thënë se e vlerëson kohën që Lajcak ka ndarë për të takuar edhe përfaqësuesit opozitarë, megjithatë thotë se ende po mbahen në terr sa i përket draftit evropian për Asociacionin, transmeton "Kosova Sot Online".
“Sot në vazhdën e angazhimeve në dialog që ndërmjetësi ndërkombëtar po e realizon në Prishtinë, u takuam për të disatën herë, besoj që angazhimi I tij dhe ndarja e kohës për takime me partitë opozitare është për t’u vlerësuar, edhe pse po mbahemi në një formë apo tjetër në terr për shkak të mos zbardhjes së dokumentit, së paku në parime apo angazhime, që duhet kryeministri më ua ofru deputetëve dhe popullit”, ka thënë Haziri.
Haziri ka thënë se s’kanë folur konkretisht me Lajcak se pse s’po bëhet publik drafti, derisa potencon se është detyrë e Kurtit të japë shpjegime.
“Nuk kemi folur specifikisht, sepse është detyrë e Kurtit me dhanë shpjegime. Ai është ndërmjetës. Ka rregulla dialogu. Palët po ofrojnë komente, komentet nuk janë kah negociohen”, ka thënë tutje ai.
Haziri ka thënë se për LDK-në, dialogu s’ka opsion, derisa ka kritikuar Qeverinë se s’ka arritur ta kapitalizojë momentumin pas 24 shtatorit.
“Dialogu s’ka opsion, është e vetmja rrugë për të zgjidhur problemet. Situata pas 24 shtatorit ka ndryshuar, por Qeveria s’ka arritë me e kapitalizu”, ka thënë Haziri.
I pyetur për mungesën e Abdixhikut, Haziri ka thënë se i ka përcjellë në takim komentet e Abdixhikut dhe se ai është I zënë me Kuvendin e LDK-së që do të mbahet këtë muaj.
“Ka qenë i angazhuar në angazhime të tjera. E kam përcejll edhe kërkesën e tij si kryetar I LDK-së. Abdixhiku e ruan kujdesin për dialogun. Po përgatitet për Kuvendin e partisë në nëntor”, ka theksuar Haziri.
(Kosova Sot Online )
