Tahiri: Sot kuvendi të votoj rezolutën ku kërkohet të rritet koeficienti nga 105 ne 129

Shefi i Grupit Parlamentar të AAK’së, Besnik Tahiri, u ka bërë thirrje deputetëve të Kuvendit të Kosovës që të votojnë pro Rezolutës ku kërkohet rritja e koeficientit nga 105 euro në 129 euro, përcjell “Kosova Sot Online”.

Tahiri ka shkruar se është e rëndëisishme që sot kuvendi të votoj rezolutën.

Tahiri ka renditur edhe arsyet pse sipas tij, koeficienti duhet të rritet në 129 euro.

“Sot, në rendin e ditës e kemi Rezolutën e prezantuar nga GP i AAK-së ku kërkohet rritja e koeficientit nga 105 në 129 euro. – Duke ditur që jemi në një situatë të rend ekonomike në vend; – Faktin që punëtorët në administratën e shtetit menxi po e lidhin muajin me muaj; – Duke vlerësuar që edhe raportet e fundit të Bankës Botërore po kërkojnë që të shmangët një kolaps ekonomik, vlerësojmë se: është tepër me rëndësi që sot kuvendi të votoj rezolutën ku kërkohet të rritet koeficienti nga 105 ne 129”. Deputet, mos kqyrni majtas e djathtas por votoni, PËR.”, ka shkruar Tahiri.

(Kosova Sot Online)