Osmani përkujton Rugovën në ditën e lindjes së tij: I përjetshëm kujtimi për prijësin tonë historik

Presidentja e Kosovës, Vjosa Osmani, ka kujtuar Presidentin Rugova në përvjetorin e lindjes së tij, përcjell “Kosova Sot Online”.

Osmani tha se rruga e Kosovës drejt pavarësisë është e lidhur dhe me jetën e një njeriu.

“Sot e kujtojmë ditëlindjen e ideatorit e arkitektit të Kosovës së pavarur, presidentit historik, dr. Ibrahim Rugovës. 2 dhjetori na e kujton rrugëtimin tonë drejt lirisë e pavarësisë dhe na e forcon bindjen për fuqizimin e përditshëm të saj, ngase ajo ndër të tjera, është e lidhur edhe me jetën e një njeriu, i cili i dha kuptim asaj, njëherë si shkrimtar e intelektual, e pastaj si prijës politik i popullit të vet, duke u bërë model për gjithë njerëzimin. I përjetshëm kujtimi për prijësin tonë historik!”, ka shkruar Osmani.

(Kosova Sot Online)