Kryeprokurori Stefanoviq për sulmin në Banjskë: Verifikimi i dëshmisë së Radoiçiqit dhe mbledhja e provave për armët, është në proces

Po kontrollohet dëshmia e Milan Radoiçiqit, i cili ka pranuar se ka organizuar një grup të armatosur në fshatin Banjskë, si dhe po mblidhen prova në bashkëpunim me MPB-në dhe Drejtorinë doganore për të përcaktuar origjinën e armëve dhe kanaleve, përmes së cilës kanë arritur në Kosovë. Kështu ka thënë kryeprokurori publik Nenad Stefanoviq nga Prokuroria e Lartë Publike në Beograd.

Në një intervistë për Kurir, ai tha se “presioni as i publikut, as i komunitetit ndërkombëtar nuk duhet të ndikojë në rrjedhën e asnjë procedure, përfshirë edhe këtë që është në fazën e hetimit”.

I pyetur se çfarë pret nga procedura kundër babait të djalit, i cili vrau nëntë nxënës dhe roje në shkollën fillore “Vladislav Ribnikar”, dhe të tjerët të përfshirë në aktakuzën e 10 tetorit, Stefanoviq tha se Prokuroria në bashkëpunim me MPB-ja dhe BIA, siguruan prova të mjaftueshme për dënime.

“Pres që palët e dëmtuara të marrin së paku një kënaqësi, përkatësisht që të pandehurit të dënohen në përputhje me ligjin me dënimet e propozuara në aktakuzë, sepse besoj se në këtë rast nuk ka rrethana lehtësuese”, tha Stefanoviq.

Në një intervistë për Kurir, të cilën VJT e publikoi në faqen e saj të internetit, Stefanoviq tha gjithashtu se gjyqtarët dhe prokurorët publikë, si bartës të funksioneve publike, duhet të mbrojnë ligjin dhe reputacionin e gjyqësorit dhe të mos jenë instrument në duart e interesit dhe grupeve politike.

(Kosova Sot Online)