Lladrovci: Komuna e Drenasit, në kreun e performancës në nivel nacional

Pas pranimit të raportit final të vlerësimit të performancës komunale nga Ministria e Administrimit të Pushtetit Lokal, kryetari i komunës së Drenasit, Ramiz Lladrovci, ka shkruar se Drenasi është sërish në kreun e komunave me performancë të shkëlqyer, përcjell “Kosova Sot Online”.

Tutje, Lladrovci ka shkruar se ky vlerësim është i mirësëardhur.

Lladrovci ka falënderuar qytetarët për bashkëpunim, asamblistët, zyrtarët e komunës dhe drejtorët e drejtorive, mbikëqyrësit dhe vlerësuesit e performancës nga MAPL.

Postimi i plotë i Lladrovcit:

Komuna e Drenasit, në kreun e performancës në nivel nacional

E kam deklaruar dhe është e konfirmuar se performancës së shkëlqyer ia kemi marrë dorën. Sërish jemi në kreun e komunave me performancë të shkëlqyer, edhe pse nuk është publikuar renditja me numra nga Ministria e Administrimit të Pushtetit Lokal (MAPL).
Gjithsesi, falënderimi për arritjen tonë i shkon qytetarëve për bashkëpunim, asamblistëve, zyrtarëve të komunës dhe drejtorët e drejtorive, mbikëqyrësve dhe vlerësuesve të performancës nga MAPL.

Gjatë vitit kalendarik, përpos detyrave dhe përgjegjësive zyrtare, merremi edhe me 119 indikatorë që i kontribuojnë performancës tonë. Ky vlerësim është i mirëseardhur sepse performanca jonë është në funksion të mirëqenies së qytetarëve, vendimeve demokratike, transparencës, llogaridhënies.

Faleminderit!

Drenasi vazhdon të jetë në kreun e performancës në nivel nacional!

(Kosova Sot Online)