Zbulohet arsyeja pse Kurti e Sveçla vizituan IPK-në
Kryeministrin e Republikës së Kosovës Albin Kurti, së bashku me Ministrin e Punëve të Brendshme Xhelal Sveçla, i priti sot në takim kryeshefi Ekzekutiv i IPK-së, Kushtrim Hodaj, transmeton gazeta “Kosova Sot Online”.
Hodaj e informoi Kryeministrin Kurti për punën dhe të arriturat e Inspektoratit Policor të Kosovës, thuhet në njoftimin e IPK-së.
“Temë e diskutimit ishin edhe trajtimi i ankesave të qytetarëve, inspektimet si dhe angazhimet tjera të IPK-së drejt fuqizimit të integritetit policor”.
“Në fund të takimit Kryeshefi Hodaj e falënderoi Kryeministrin Kurti për vizitën dhe përkrahjen e vazhdueshme që Qeveria ka dhënë në zbatimin e mandateve ligjore të IPK-së si një mekanizëm i rëndësishëm i sundimit të ligjit në Republikën e Kosovës.
Kjo ishte vizita e parë e Kryeministrit Kurti në IPK i cili falënderoi zyrtarët për pritjen duke shprehur mbështetjen e Qeverisë për fuqizimin e rolit të Inspektoratit Policor si mekanizëm i kontrollit dhe mbikëqyrjes së policisë”, përfundon njoftimi.
(Kosova Sot Online)
