Rrëzohet helikopteri i policisë në rrethana ende të panjohura

Një ngjarje e rëndë ndodhi gjatë natës në provincën Gaziantep të Turqisë kur një helikopter policie u rrëzua në rrethana ende të panjohura. Për pasojë humbën jetën dy pilotët dhe u plagos një teknik në bord, transmeton gazeta “Kosova Sot Online”.

Sipas raportit të ministrit të Brendshëm turk, Ali Gerlikaya, helikopteri u ngrit nga aeroporti i Hatajit, por u rrëzua në fshatin Kartal të Gaziantepit, pak para se të ulej në aeroportin e zonës.

Pilotët kontaktuan për herë të fundit me kontrollorët e trafikut ajror në orën 22:49 të së shtunës mbrëma sipas kohës lokale. Po hetohet për rrethanat e këtij aksidenti të rëndë.

(Kosova Sot Online)

(Kosova Sot Online)