Blinken: I takon Hamasit të marrë vendime nëse është i përgatitur për armëpushim
Sekretari amerikan i Shtetit, Antony Blinken, tha se është në dorë të Hamasit që të pranojë një armëpushim të menjëhershëm në Gaza, transmeton gazeta “Kosova Sot Online”.
Blinken situatën humanitare në Gaza e ka cilësuar si të papranueshme, shkruan CNN.
“I takon Hamasit të marrë vendime nëse është i përgatitur të përfshihet në atë armëpushim”, tha Blinken përpara një takimi me homologun e tij nga Katari.
“Ka mundësi për një armëpushim të menjëhershëm që mund të sjellë pengjet në shtëpi dhe të rrisë në mënyrë dramatike sasinë e ndihmës humanitare”, tha tutje Blinken.
(Kosova Sot Online)