![Maqedoni e Veriut: Për kë do të votojnë shqiptarët?](/uploads/kosova-sot/images/2024/May/04/200x200_DW-1-600x3601714809751.png)
Ja çfarë i raportoi ministrja kosovare Strasburgut në notën verbale pasi manstirit iu regjistrua prona
![Ja çfarë i raportoi ministrja kosovare Strasburgut në notën verbale pasi manstirit iu regjistrua prona](/uploads/kosova-sot/images/2022/June/03/auto_Manastiri_i_Decanit1654263145.png)
Kryeministri i Kosovës, Albin Kurti, sot ka bërë publik vendimin e Qeverisë së Kosovës për të udhëzuar Agjencinë Kadastarale të regjistrojë 24 hektarë tokë në pronësi të Manastirit të Deçanit. Ai ka treguar se kryediplomatja kosovare, Donika Gërvalla-Schwarz, ka njoftuar edhe Këshillin e Evropës përmes një note verbale për këtë vendim të institucioneve të Kosovës, transmeton gazeta “Kosova Sot Online”.
Gazetari i FAZ, Michael Martens, ka publikuar Notën Verbale të dërguar nga ministrja e Jashtme e Kosovës, ku tregohet për vendimin e Qeverisë së Kosovës që të udhëzojë Agjencinë Kadastrale për kalimin e 24 hektarëve tek Manastiri dhe gjithashtu në këtë Notë Verbale konfirmohet se Agjencia Kadastrale e ka implementuar vendimin e Gjykatës Kushtetuese duke i regjistruar hektarët në pronësi të Manastirit të Deçanit.
Gërvalla në shkresën e saj ka thënë se institucionet e Kosovës do të vënë në dispozicion të Këshillit të Evropës edhe certifikatën për posedimin e pronës , ku konfirmohet regjistrimi në emër të Manastirit të Deçanit.
Kryediplomatja kosovare në letër shpreh pritjet e saj që pas këtij vendimi të Kosovës të ketë epliog pozitiv në takimin e muajit maj për aplikimin e Kosovës për anëtarësim në Këshill të Evropës.
(Kosova Sot Online)