Një grup nga Ukraina diplomon për deminim në Kosovë, Hovenier: Krenar që e bëmë këtë përpjekje për ta mbajtur popullin ukrainas të sigurt
Ambasadori amerikan në Kosovë, Jeff Hovenier, ka marrë pjesë sot në diplomimin e grupit të parë ukrainas që u trajnuan në Kosovë për heqjen e minave nga një iniciativë e përbashkët mes FSK-së dhe Komandës Europiane të SHBA-së, përcjell "Kosova Sot Online".
Hovenier tha se është krenar për këtë përpjekje të Kosovës e SHBA-së që t’i mbajnë ukrainasit të sigurt.
“Sot grupi i parë i Policisë Kombëtare të Ukrainës dhe Shërbimeve Shtetërore të Emergjencave u diplomua nga një iniciativë e përbashkët trajnimi e Komandës Europiane të SHBA-së dhe Forcave të Sigurisë së Kosovës për heqjen e sigurt të minave dhe mjeteve të municioneve të pashpërthyera. Krenar që e bëmë këtë përpjekje SHBA-Kosovë për ta mbajtur popullin ukrainas të sigurt dhe për të qëndruar përkrah partnerëve tanë kosovarë në solidaritet me Ukrainën”, ka shkruar Hovenier.
Today the first group of Ukrainian National Police and State Emergency Services graduated from a joint U.S. European Command and Kosovo Security Forces training initiative on safe removal of mines and unexploded ordnance devices. Proud to witness this 🇺🇸 🇽🇰 effort to keep… pic.twitter.com/IY6BlXhvfF
— Ambassador Jeff Hovenier (@USAmbKosovo) April 11, 2024
(Kosova Sot Online)