Kontrabandë me mallra në Leposaviq, kamioni i ngarkuar me rreth 4 tonë mish pule bie në prrua, ik shoferi

Policia e Kosovës ka njoftuar lidhur me një rast të kontrabandimit me mallra në Komunën e Leposaviqit.

Përmes raporitt 24 orësh, Policia ka bërë me dije se një kamion me targa të Serbisë, i ngarkuar me rreth 4 tonë mish pule, ka devijuar rrugën dhe ka hyrë në një prrua. I dyshuari ka ikur nga vendi i ngjarjes.

“Leposaviç 11.04.2024-19:40. Raportohet se një kamion me targa te shtetit serb me drejtues NN ka devijuar rrugën dhe ka hyrë në një prrua. Në kamion kishte të ngarkuara rreth 4 tonë mish të bardhë, kurse personi i dyshimtë eshte larguar në drejtim të pa njohur. Lidhur me rastin është njoftuar prokurori dhe rasti cilësohet si me lart. Njesitet policore relevante ne bashkepunim me Doganen e Kosoves, jane duke u marrur me rastin”, thuhet në raport.

(Kosova Sot Online)