Fejohet vajza e Bekim Jasharit, shkon tek varrezat në Prekaz
Vajza e Bekim Jasharit, Feridja, është fejuar, përcjell “Kosova Sot Online”.
Lajmin e bëri të ditur vet Bekimi me anë të disa fotografive që i ka publikuar në rrjete sociale.
Aty shihet se Feridja e cila mban emrin e gjyshes, në këtë ditë te veçantë, ka shkuar tek varrezat në Prekaz.
Postimi i plotë:
Vajza jonë Feridja, që me krenari mbanë emrin e gjyshes, pas përfundimit të studimeve si një studente dhe vajzë e mrekullueshme, po nis një kapitull të ri të jetës së saj bashkë me Orgesin.
Unë, bashkëshortja dhe gjithë familja jemi krenar me Feriden e re, kulturën dhe edukatën e lartë të saj, ashtu siç do të ishte edhe babushi Hamëza dhe nëna Feridja.
Familja jonë për çdo vit po rritet e zgjerohet duke përtrirë emrat e më të dashurve tonë të rënë për Liri dhe duke qenë mirënjohës ndaj gjithë bashkëkombasve tanë për nderin dhe respektin e ndersjelltë.
Vajza jonë Feride, urime fejesa me Orgesin, qofshi përherë të lumtur!
(Kosova Sot Online)