Policia e Kosovës ndalon pesë automjete

Policia e Kosovës, konkretisht njësitet policore të Departamentit të kufirit pas një pune intensive sot rreth orës 14:00, në fshatin Koshuticë, K.K. Leposaviq, në dalje të Republikës së Kosovës për në Serbi kanë ndaluar pesë automjete, transmeton gazeta "Kosova Sot Online".

Sipas policisë, në këto automjete kishte mallra, mjete bujqësore të përmendura si në vijim:

“Motorë (kultivator); trembëdhjetë (13) copë, kositëse për bari të mëdha (mullqera) gjashtë (6) copë, freza bujqësorë tri (3) copë, shata për freza dyqind (200) copë, motosharrë dore një (1) copë, moto-kultivator një (1) copë dhe motoçikletë me katër rrotë për fëmijë një (1) copë”.

Me autorizim të Prokurorit të Shtetit, është iniciuar rasti “Kalim i paautorizuar i kufirit – Tentim”, përderisa rasti shkon për trajtim në procedurë të rregullt, njofton policia.

Në një rast tjetër disa orë më herët patrulla kufitare e Stacionit Policor për Mbikëqyrje të Kufirit në Keçekollë në fshatin Metergovc, K.K. Podujevë, në brezin kufitar ka hasur në një sasi prej rreth njëzet metra kub dru të llojeve ahu dhe pishë (trupa).

“Në vendngjarje kanë dalë zyrtarë të APK-së, përderisa me autorizim të Prokurorit të Shtetit, është iniciuar rasti “Kontrabandë me mallra”, malli i kontrabanduar është dërguar në terminal doganor, përderisa rasti vazhdon të hetohet nga autoritetet kompetente”, njofton policia.

(Kosova Sot Online)