![Tërmet i fortë në Greqi](/uploads/kosova-sot/images/2024/July/27/200x200_IMG_57691722035783.jpeg)
Zjarri kaplon një dhomë në Spitalin e Pejës, digjet dhoma ku ishin pajisjet e Teknologjisë Informative
![Zjarri kaplon një dhomë në Spitalin e Pejës, digjet dhoma ku ishin pajisjet e Teknologjisë Informative](/uploads/kosova-sot/images/2024/April/03/auto_LAJMI_I_FUNDIT1712131428.jpg)
Një dhomë në Spitalin e Përgjithshëm të Pejës është kapluar në mëngjes, përcjell “Kosova Sot Online”.
Në njoftim thuhet se dyshohet se zjarri është shkaktuar si pasojë e një defekti në sistemin elektrik.
Spitali njofton se nuk ka persona të lënduar, por janë djegur disa pajisje të Teknologjisë Informative të cilat ndodheshin në dhomën në fjalë.
Njoftimi i plotë:
Informatë lidhur me zjarrin e shkaktuar mbrëmë në një dhomë të Spitalit të Përgjithshëm në Pejë!
Mbrëmë rreth orës 4 të mëngjesit të sotëm ka pasur një zjarr në katin e IV-të, të Spitalit të Përgjithshëm në Pejë. Pjesëtarët e sigurimit kanë intervenuar menjëherë në shuarjen e zjarrit dhe po ashtu janë njoftuar Policia dhe Zjarrfikësit. Dyshohet se zjarri është shkaktuar si pasojë e një defekti në sistemin elektrik.
Me intervenimin e shpejtë është ndalur përhapja e zjarrit, por një dhomë ku kanë qenë pajisjet e Teknologjisë Informative është djegur dhe tani jemi në proces të konstatimit të dëmit material.
Sa i përket data bazës dhe të dhënave tjera të gjitha janë të ruajtura ngase janë të lidhura me sisteme tjera informative dhe asnjë e dhënë apo data bazë nuk është humbur.
Shërbimet ndaj pacientëve kanë vazhduar dhe po vazhdojnë të jepen si gjithnjë dhe puna po vazhdon normalisht, ndërsa ekipet e shërbimeve teknike janë duke u marrë me pastrimin dhe riparimet e nevojshme në dhomën e djegur dhe ambientet tjera të katit të IV të bllokut Kirurgjik.
(Kosova Sot Online)