Ish-asistenti i Kurtit dhe një tjetër në pranga, Policia: Nuk i zbatuan urdhërat të policit , prishën rendin dhe qetësinë publike

Arianit Beqirit, ish-asistent i kryeministrit të Kosovës, Albin Kurti, tani asamblist në Komunën e Prishtinës, iu vendosën prangat në duar para fillimit të ndeshjes Shqipëri-Spanjë.

Sipas policisë, Beqiri dhe një person tjetër u shoqëruan në polici për moszbatim të urdhërave të policit dhe dyshimit për prishje të rendit dhe qetësisë publike.

Këtë informacion e dha Agron Borovci, zëdhënës në policinë Rajonale të Prishtinës.

“Dy persona janë shoqëruar në stacionin policor për mos zbatim të urdhërave të policit dhe dyshimit për prishje të rendit dhe qetësisë publike. Aktualisht policia po trajton rrethanat që karakterizojnë ngjarjen me qëllim zbardhjen e plotë të tyre”, tha Borovci.

(Kosova Sot Online)