Tentoi ta përdhunojë, 20-vjeçarja qëllon me thikë të riun
Një vajzë nga Mirdita ka qëlluar me thikë disa herë një person, i cili akuzohet se ka tentuar ta përdhunojë atë.
Ngjarja ka ndodhur në Kodër Rrëshen ku, 20-vjeçarja M.Gjonaj goditi disa herë me thikë në trup 24-vjeçarin Severjan Tusha, duke i shkaktuar këtij të fundit dëmtime serioze për jetën.
Pas goditjeve me thikë, 24-vjeçari ka mundur ta qëllojë vajzën në kokë me mjete të forta duke i shkaktuar asaj dëmtime të lehta në kokë.
I riu është dërguar në spitalin e Traumës në Tiranë, ndërsa vajza ndodhet në spitalin e Rrëshenit, jashtë rrezikut për jetën.
Edhe pse 20-vjeçarja pretendon se rrezikoi të përdhunohej, ndaj saj rëndojnë akuzat “Vrasje me dashje” dhe “Mbajtje pa leje e armëve të ftohta”. Ndërsa Tusha akuzohet për “Marrëdhënie seksuale me dhunë me të mitura”.
(Kosova Sot)