Koci flet nga Beogradi: BIA serbe pas kallëzimit penal ndaj ish-policit Spahiu

Avokati Arianit Koci, i cili aktualisht ndodhet në Serbi, ka folur lidhur me ndalimin e ish-policit të Kosovës, Arbnor Spahiu, dhe akuzat që janë ngritur ndaj tij.

Në një lidhje direktenë Klan Kosova, Koci deklaroi se kallëzimi penal kundër Spahiut është bërë nga Agjencia Serbe e Inteligjencës (BIA) dhe sipas tij, i gjithë rasti është i pabazuar

“Unë kam marrë dokumentacionin komplet të pretendimeve të prokurorisë, pra kallëzimin penal e ka bërë BIA serbe, organi i sigurisë dhe është komplet i pabazuar”, tha ai.

Ai shtoi se në kallëzim figuron që klienti i tij ishte snajper në njësinë ku shërbente, por kjo, sipas tij, është e pavërtetë.

(Kosova Sot Online)