A e dini sa mund të zgjasë mbyllja e qeverisë amerikane?
Nuk dihet saktësisht se sa do të zgjasë mbyllja e qeverisë amerikane pasi situata do të zgjidhet vetëm pasi Kongresi të miratojë një projektligj për shpenzime, transmeton gazeta "Kosova Sot Online".
Kjo nuk është hera e parë që ka ndodhur një mbyllje e tillë.
Më e gjata në historinë amerikane zgjati 35 ditë dhe ndodhi gjatë mandatit të parë të Trump në detyrë, shkruan BBC.
Në të kaluarën, mbylljet kanë qenë të ndryshme në kohëzgjatje:
Mbyllja e dytë më e gjatë ishte në dhjetor 1995 – zgjati 21 ditë
Gjatë presidencës së Barack Obamës, një mbyllje zgjati 16 ditë
Midis viteve 1982 dhe 1987, katër mbyllje qeveritare zgjatën vetëm një ditë secila
Nën ish-presidentin Bill Clinton, një mbyllje federale zgjati 5 ditë
Qeveria amerikane u mbyll në mesnatë pasi ligjvënësit dhe presidenti amerikan, Donald Trump, dështuan të arrinin një marrëveshje për shpenzimet gjatë bisedimeve të tensionuara që u kushtëzuan nga kërkesat e demokratëve që të financohet kujdesi shëndetësor.
(Kosova Sot Online)
