Lexoni edhe:
Merrte nga qytetarët deri në 5 mijë euro për një vizë shengen, arrestohet nga policia
Shkruan:ANALISTI-Dardan Grapci
Unë mendoj që rastet e tilla janë argument që duhet ti shërben akoma më shumë KGJK-s dhe KPK-s për ashpërsimin e përgjegjësisë disiplinore ndaj gjykatësve dhe prokurorëve bashkëpunues me krimin e organizuar, nga mos puna e të cilëve në vijimësi Kosova renditet edhe në raportet e organizatave ndërkombëtare shtet i dështuar në luftimin e korrupsionit dhe krimit të organizuar.
Merrte nga qytetarët deri në 5 mijë euro për një vizë shengen, arrestohet nga policiaLexoni edhe:
Në institucionet e drejtësisë në Kosovë, tani më është bërë praktikë “normale” e punës që të luhet loja e pa fundme, e pa ndëshkueshme dhe e pa hetueshme e zvarritjes së të gjykimit të rasteve serioze për krim e korrupsion. Nga përfaqësuesit e organizatave që monitorojnë gjyqësorin, vazhdimisht raportohet për dështimin e seancave se pse mungon dikush nga palët e procesit. Ndodhë që për pak orë të “sëmuret” dhe mungon i akuzuari, pastaj një ditë tjetër mungon avokati sepse i ka ndodhur një rast urgjent, e herën tjetër mungon dëshmitari, e jo rrallë herë mundë të mungon edhe vetë përfaqësuesi i aktakuzës, pra prokurori. Rastet e tilla nuk po ndodhin rastësisht, ato bëhen me qëllim të zvarritjes së proceseve gjyqësore deri në parashkrim të rasteve, dhe pikave më të rënda të aktakuzave, raste të mirë menduara dhe të bëra pazare në mes të avokatëve prokurorëve, avokatëve dhe gjyqtarëve të korruptuar që me mjeshtri të madhe ja bënë avokatinë mbrojtëse krimit të organizuar. Rasti më i freskët i dështimit të një procesi gjyqësor për korrupsion është evidentuar në Gjykatën Themelore të Pejës ku ka munguarprokurori dhe është shtyrë gjykimi për korrupsion ndaj ish-drejtorit të Inspekcionit në Komunën e Pejës Demë Dashit për një seancë tjetër, e ku Dashi, akuzohet nga Prokuroria e Gjakovës që nuk i ka përmbushur detyrat e tij si Drejtor i Inspekcionit në Pejë duke lejuar kështu ndërtime pa leje. Sipas aktakuzës Demë Dashi, akuzohet se nga data 07.05.2014 e deri me 14.11.2016, duke qenë në pozitën e personit zyrtar dhe atë Drejtor i Drejtoratit të Inspekcionit në Komunën e Pejës, nuk i ka përmbushur detyrat e tij zyrtare. Pavarësisht se si do të veprohet, këto zvarritje të rasteve serioze do të vazhdojnë derisa Ligji i Vettingut nuk miratohet dhe nuk fillon te aplikohet 100%. Vetëm kur të aplikohet Ligji i Vettingut, ky rast dhe shumë raste të tjera do të përfundojnë sipas ligjit, kurse prokurorët, gjyqtarët dhe avokatët, së bashku me ta edhe dëshmitarët do të ndiqen penalisht për neglizhencën dhe për ngadalësimin e gjykimit ndaj secilit rast të lidhur me vepra serioze kriminale, sikur që është tani aktual rasti i Demë Dashit. Objektet pa leje që po ndërtohen në Pejë, janë ato që po ja humbin vlerën qytetit me mbindërtime ilegale dhe ndërtime në ato zona urbanistike ku është e ndaluar me ligj. Gjykata Themelore në Pejë është dashur që këtë rast ta përfundoj qysh vite më përpara, e jo të jetë në shërbim të kriminelëve dhe të korruptohen. Gjithashtu ajo që vlen të përmendet është se pronarët e këtyre objekteve duhet të intervistohen nga Policia dhe Gjykata dhe në fund të rrënohen deri në themel. Vetëm duke vepruar në mënyrë rigoroze, dhe me seriozitet, ndërtimet pa leje më nuk do të ndodhin, dhe zyrtarët komunal do të marrin mësim nga kjo ngjarje.
Shkrimet në këtë rubrikë nuk shprehin qëndrimet e gazetës "Kosova Sot Online".