Lexoni edhe:
Zgjedhjet po afrojnë, Mihrinë edhe më shumë e zbukurojnë
Anija kozmike në orbitën e Marsit
Anija kozmike pa pilot e Kinës hyri me sukses në orbitën e Marsit gjashtë muaj e gjysmë pasi u lëshua nga Toka të mërkurën, ka bërë të ditur Agjencia Kombëtare Kineze e Hapësirës (CNSA).
Agjencia njoftoi se anija kozmike u ngadalësua me sukses në shpejtësinë me të cilën u tërhoq nga graviteti i Marsit.
Lëshuar në korrik nga Kina, sonda dërgoi në Tokë fotot e para të marra 2.2 milionë kilometra nga Marsi javën e kaluar.
Në afërsisht tre muaj, Tianwen-1 do të përpiqet të dërgojë një zbarkues me një rover 240 kilogramë në një zbritje të shpejtë shtatë minuta në një zonë të quajtur Utopia Planitia në hemisferën veriore të Marsit.
Nëse zbritja është e suksesshme, një rover me energji diellore do të eksplorojë sipërfaqen e Marsit për 90 ditë, duke studiuar sipërfaqen e tij në kërkim të shenjave të jetës antike.
Duke përdorur një radar të veçantë që depërton nën sipërfaqen e tokës, ai do të hetojë nëse ka ujë dhe akull.
Tianwen-1 është misioni i parë i pavarur i Kinës në planetin e kuq pas një përpjekje të përbashkët, por të pasuksesshme me Rusinë në vitin 2011.
Kina ambicioze shpreson që kjo përpjekje e parë e pavarur për të eksploruar Marsin do të arrijë gjithçka që Shtetet e Bashkuara kanë arritur në disa misione të kryera që nga vitet 1960: vendosja e një sonde në orbitë, zbarkimi në planet dhe eksplorimi me rover.
Sidoqoftë, misioni kinez është vetëm një nga tre që synon Marsin këtë shkurt.
Anija kozmike Hope e dërguar nga Emiratet e Bashkuara Arabe hyri me sukses në orbitë të martën. Hope nuk do të zbresë në Mars, por do të rrotullohet rreth tij duke mbledhur informacion në lidhje me atmosferën dhe motin.
Në misionin më ambicioz të Amerikës në Mars deri më sot, roveri i rëndë Perserverance është planifikuar të mbërrijë më 18 shkurt. Ata menjëherë do të përpiqen të zbresin në një depresion shkëmbor me shkëmbinjtë e thepisur të quajtur Liqeni i Kraterit.
(Kosova Sot Online)
