Lexoni edhe:
Qeveria gjermane urdhërohet t'i publikojë dokumentet për UFO-t
Shkencëtarët duan të dërgojnë material shumimi të 6.7 milionë specieve në Hënë
Disa shkencëtarë kanë propozuar që sperma dhe qelizat vezë të 6.7 milionë specieve që jetojnë në planetin tonë të dërgohen në Hënë.
Rezervuari hënor i gjeneve, ku gjithashtu do të mund të ruheshin farat e bimëve, është propozuar të ndërtohet nën sipërfaqen e Hënës, në një lloj gypi të zgjatur.
Materiali gjenetik do të ruhej në temperaturë të përshtatshme, ndërsa objekti do të furnizohej me energji nga panelet diellore në sipërfaqen e satelitit natyror të Tokës, shkruan Daily Mail.
Sipas shkencëtarëve, në objektin e veçantë do të ruhej diversiteti gjenetik i gjallesave të Tokës në rast të ndonjë katastrofe globale, siç mund të jenë ato që shkaktohen nga ndryshimet klimatike, ndonjë supervullkan ose nga ndikimi i një asteroidi.
“Toka është në mënyrë të natyrshme mjedis i brishtë. Si njerëz, rreth 75.000 vjet më parë kishim shpërthim të supervullkanit Toba, që shkaktoi periudhë 1000-vjeçare të ftohjes”, tha një nga autorët e studimit, Jekan Thanga nga Universiteti i Arizonës.
Ideja për krijimin e një rezervuari gjenetik për ta shpëtuar biodiversitetin e humbur nuk është e re. Më shumë se një milion mostra të farave ruhen në një hapësirë të ishullit Spitsbergen në Detin Arktik, për shembull.
Megjithatë, profesori Thanga dhe kolegët e tij sqarojnë se vendosja e këtyre objekteve në Tokë i bën ato të rrezikuara nga humbja e mundshme, prandaj është propozuar ndërtimi i një objekti të veçantë në Hënë.
Sipas llogaritjeve të profesorit, dërgimi i 50 mostrave për secilën prej 6.7 milionë specieve do të mund të bëhej me 250 fluturime me raketa.
(Kosova Sot Online)
