Shmanget për fije tragjedia, Luftanija ruse rrezikon të goditet nga raketa që lëshoi vetë

  • E.K /
  • 03 maj 2021 - 15:25
 Shmanget për fije tragjedia, Luftanija ruse rrezikon të goditet nga raketa që lëshoi vetë

Gjithçka ndodhi gjatë një stërvitjeje ushtarake në Detin e Japonisë: protagoniste e ngjarjes së rrallë u bë luftanija ruse “Marshal Shaposhnikov”, e pajisur më raketahedhësen e fuqishme Kalibr.

Por, gjatë manovrave në det, njëra prej raketave 3M14T nuk ndoqi trajektoren e parashikuar.

Raketa u rrotullua disa herë mbi anijen që e lëshoi dhe përfundoi në det shumë pranë saj, duke shkaktuar frikë në bord. Në ato momente u mendua se ajo do të godiste vetë “Marshal Shaposhnikov”.

Tragjedia, u shmang praktikisht vetëm falë fatit. Sistemi Kalibr, me një madhësi prej gati 9 metrash, konsiderohet homologu rus i raketave amerikane Tomahawk. Me një rreze që shkon deri në 2.500 km, ai mund të godasë shënjestra me një precizion mjaft të lartë, duke përdorur edhe raketa me mbushje bërthamorë.

(Kosova Sot Online)