Kina po ndërton rreth 100 vendqëndrime për raketa bërthamore, tregojnë imazhet satelitore

Ekspertët kanë konstatuar se Kina po ndërton rreth 100 vendqëndrime për raketa bërthamore (ICBM) afër qytetit të Youmen-it.

Hulumtuesit e qendrës “James Martin Center for Nonproliferation Studies” në Kaliforni i kanë shqyrtuar imazhet satelitore dhe kanë konstatuar se Kina është në proces e sipër të ndërtimit të vendqëndrimeve për raketa bërthamore.

Lexoni edhe:

Kamerat e vëzhgimit kapin një fluturake të çuditshme

Imazhet tregojnë 119 zona ndërtimi gati identike për të cilat analistët thonë se kanë vërejtur tipare të ngjashme me qendrat e tjera ndërtimore për ICBM, të cilat Kina po i ndërton.

Besohet se Kina posedon numër më të vogël të raketave balistike krahasuar me SH.B.A dhe Rusinë, duke numëruar rreth 250-350 sosh. Vendqëndrimet e reja tregojnë për rritjen e kapaciteteve kineze sa i përket raketave balistike.

Kina ka qenë e njohur në të kaluarën për ndërtimin e vendqëndrimeve të maskuara bërthamore.

Taktika të tilla ka përdorur edhe ShBA-ja për t’i hutuar sovjetikët dhe për ta mbajtur sekret vendndodhjen e raketave, shkruan Daily Mail.

Studiuesi Jeffrey Lewis sugjeron se Kina synon t’i arrijë ngritjen e kapaciteteve dhe shtimin e sigurisë në rajon përmes raketave bërthamore.

“Nëse llogariten të gjitha kantieret e ndërtimit në Kinë, mund të konstatojmë se totali i vendqëndrimeve arrin diku rreth 145 sosh”, prononcohet Lewis-i në përmbledhjen e tij.

Drejtori i programit “East Asia Nonproliferation Program” beson se Kina po e zhvillon forcën e saj bërthamore që ta parandalojë skenarin në të cilin ShBA-ja e kërcënon Kinën me sulm bërthamor.

Besohet se këto qendra mund të mbajnë raketa kineze të tipit DF-41, të cilat kanë aftësi të udhëtojnë rreth 15.000 kilometra dhe ta rrezikojë territorin e Amerikës.

(Kosova Sot Online)