NASA nis testimin e taksive ajrore

NASA po përpiqet t’i bëjë realitet taksitë fluturuese. Agjensia hapësinore njoftoi se ka nisur testimin e mjetit ajror si një përpjekje për një mënyrë tjetër transporti për njerëzit dhe mallrat. AIR Taxi, i projektuar nga Joby Aviation, është një helikopter i mundësuar nga gjashtë rotorë.

Mund të arrijë një shpejtësi deri në 322 km/orë. Projekti është pjesë e Fushatës Kombëtare të “Nasa’s Advanced Air Mobility” (AAM), e cila synon të ndihmojë tregun e aviacionit në zhvillim. Agjencia hapësinore planifikon të kryejë teste të ngjashme me kompani të tjera eVTOL në të ardhmen.

Një numër kompanish po konkurrojnë për të ndërtuar taksinë e parë fluturuese në botë, duke përfshirë Uber dhe Volocopter. Kjo e fundit ka thënë se dëshiron të nisë atë që e quan si shërbimi i parë i taksive ajrore në botë në vitin 2022.

(Kosova Sot Online)