Thuhet se sjell ters kur të ndërpret rrugën, por çfarë simbolizon macja e zezë në ëndërr?

Macja e zezë në ëndërr është simbol i diçkaje misterioze

Mund të ketë shpjegime negative, por edhe pozitive për simbolikën e saj, madje edhe shpjegime neutrale në këndvështrime të tjera.

Kur shihni një mace të zezë që është e qetë dhe e bukur, kjo është shenjë e mirë. Macja e zezë përfaqëson elegancë, veçanti, individualitet dhe pavarësi.

Macet e zeza po ashtu janë individualiste, ndaj dhe ëndrra ju inkurajon të qëndroni ashtu siç jeni.

Nëse ndjeni shqetësim kur shihni një mace të zezë, kjo tregon se ka disa probleme, të cilat po përpiqeni t’i shmangni, por megjithatë vazhdojnë t’ju prishin paqen tuaj.

Në këtë rast është fjala për shqetësime të vogla, por nëse vazhdoni t’i injoroni, ato mund të mblidhen dhe të shndërrohen në probleme më të mëdha. Ato po rrotullohen në jetën tuaj private, ashtu si macja e zezë që ju vjen vërdallë në qetësi të plotë. Përpiquni t’i zgjidhni me kalimin e kohës.

Nëse shihni në ëndërr sikur merrni një mace të zezë dhe e mbani si kafshë shtëpiake, e përkëdhelni dhe luani me të , ky është ogur i mirë, që tregon se po gjeni balancat në jetën tuaj, një balancë brenda shpirtit.

Macja e zezë  mund të ketë shpjegime të ndryshme. Në aspektin pozitiv, ajo simbolizon qetësi, vetëbesim e siguri.

Ndërsa në aspektin negativ, macja e zezë përfaqëson armiqtë tuaj, shqetësimet dhe problemet që keni. Do të merrni vesh që është kështu, pasi ëndrra do t’ju bëjë të ndiheni në ankth, të parehatshëm dhe të paqetë.

Ëndrra tregon po ashtu se problemet tuaja janë të fjetura për momentin, por është çështje kohe që ato të shpërthejnë. E njëjta gjë vlen për njerëzit që ju rrethojnë, të cilët dëshirojnë të keqen për ju. 

(Kosova Sot Online)