Lexoni edhe:
Ibrahim Tatlises shpërndan 3 mijë bukë për banorët e laxhës së tij
Pamje të UFO-ve në Oregon
Një burrë nga Oregoni i SHBA-së pretendon të ketë parë jashtëtokësorë dhe thotë që prej momentit që ai i ka parë, ata e përcjellin në çdo hap. Ai thotë: " Isha duke u kthyer nga puna me veturën time dhe në momentin kur hyra në fshatin Merrill, pashë një dritë të çuditshme 20-25 metra larg meje, dritë e cila nuk dukej që vinte nga ndonjë dritare, pasi që ishte më e fuqishme.
E afrova makinën time për të parë se nga çfarë po vinte ajo dritë dhe pashë tre persona jo shumë të gjatë që po punonin diçka, kur unë u afrova ata u ndalën së punuari dhe u kthyen nga unë. Ky ishte momenti kur unë e humba shikimin për disa çaste dhe në momentin që m'u kthye, transmeton gazeta “Kosova Sot Online”, pashë se ata ishin zhdukur dhe në qiell qëndronte një objekt i çuditshëm, i cili ndërronte ngjyrat nga e bardha në të kuqe dhe e kundërta, ky objekt lëvizte me shpejtësinë e një helikopteri, derisa aterroi në një vend diku dy kilometra larg vendit ku unë ndodhesha.
Fatkeqësisht kamera ime nuk kishte bateri dhe prej momentit kur unë i kam parë ata, ajo nuk është ndezur më, ndonëse ia kam ndërruar baterinë disa herë dhe prej atëherë unë e ndiej se ata më përcjellin mua. SHËNIM: Fotografia nuk është origjinale për është e montuar
(Kosova Sot Online)
