Lexoni edhe:
'Zahir Pajaziti' kënga emblemë kushtuar heroit të Kosovës me interpretim të shkëlqyer nga Adelina Ismaili
Sonda e NASA-s vizitoi asteroidin e saj të parë
Sonda Lucy, e zhvilluar nga agjencia amerikane e hapësirës NASA, vizitoi asteroidin e saj të parë.
Anija kozmike kaloi pranë asteroidit Dinkinesh në një distancë prej rreth 400 kilometrash dhe i mbijetoi me sukses asaj manovre, njoftoi NASA.
Tani do të duhet rreth një javë për të dërguar të gjitha të dhënat e regjistruara në Tokë.
Ekipi mezi pret të shohë se si anija kozmike performoi gjatë testit të saj të parë gjatë një takimi me një asteroid që lëviz me shpejtësi, tha agjencia amerikane.
Dinkinesh, një asteroid me një diametër më të vogël se një kilometër, është i pari nga dhjetë trupat fluturues që sonda do të hetojë.
Fluturimi i Lucy pranë tij ishte kryesisht një provë e funksionimit të instrumenteve shkencore.
Objektivi kryesor i sondës së NASA-s janë asteroidet e Jupiterit. Ai u nis në vitin 2021 nga porti hapësinor Cape Canaveral në Florida, SHBA. Është rreth 14 metra i gjatë dhe mundësohet nga karburanti dhe bateritë që ngarkohen nëpërmjet qelizave diellore.
Lucy duhet të fluturojë afër shtatë “Trojanëve” të Jupiterit, të emërtuar sipas protagonistëve të Iliadës epike të Homerit. “Trojanët” janë asteroide që rrotullohen rreth Tokës në të njëjtën orbitë me planetin më të madh, një pjesë përpara dhe një pas tij.
Ato konsiderohen si fosile që nga epoka e formimit të planetit, andaj NASA shpreson se misioni do të ofrojë njohuri të reja mbi formimin e sistemit tonë diellor.
Misioni duhet të zgjasë dymbëdhjetë vjet, dhe Lucy do të udhëtojë gjithsej 6.5 miliardë kilometra.
(Kosova Sot Online)
