Kafshoni thonjtë? Mos është shumë e rrezikshme?

Ae keni shprehi t'i kafshoni thonjtë, dukja e vrazhdë duhet të jetë brenga juaj më e vogël, pasi që pasojat shëndetësore janë shumë më të rrezikshme se sa që ishte menduar. Ekspertët pohojnë se më shumë se sa problemi estetik duhet të na brengosë ai shëndetësor. Anëtari i shoqatës së dermatologëve amerikanë, Richard Scher, paralajmëron se kjo shprehi me vete sjelle dhe shumë probleme tjera shëndetësore. Për fillim, përfundi thonjve fshihen baktere si ajo 'E. Coli', të cilët do ta futni në organizëm derisa kafshoni thonjtë. Në këtë mënyrë mund të shkaktoni dhimbje në bark apo edhe të infektoheni dhe helmoheni. Nëse në përgjithësi e shohim këtë problem, apo më mirë të themi këtë shprehi të dëmshme, problem i madh janë edhe prerëset e thonjve. Kur t'i shkurtoni thonjtë gjithsesi se do të largoni edhe ndonjë pjesë të lëkurës pranë thoit. Kjo me të vërtetë tingëllon paksa si e çuditshme, por me të vërtetë ka shumë gjasa që përreth thoit ta infektoni lëkurën. Në disa raste problemi mund të zgjidhet me një vizitë te mjeku, por nëse problemin e lini anash, ai në vend se të zgjidhet vetvetiu natyrisht se do të shndërrohet në një problem edhe më serioz.

(Kosova Sot Online)