Erëzat që ndihmojnë në parandalimin e ftohjes

Hulumtimet kanë treguar se disa erëza posedojnë substanca të forta kundër mikrobeve, baktereve dhe viruseve. Në mënyrë që gjatë këtij dimri të mbeteni të shëndoshë, nxitni forcimin e sistemit imun, e për këtë ju ndihmojnë erëzat që ju mbrojnë nga gripi dhe viruset.

HUDHRA

Edhe pse ndoshta nuk ka aromë aq të këndshme, gjithsesi se duhet ta aplikoni në ushqimin e përditshëm. Anashkaloni suplementet e hudhrës, sepse ai natyral është më i shëndetshëm, më i sigurt dhe më i shijshëm.

XHENXHEFILI

Është një nga erëzat më të preferuara në kuzhinat botërore. Hulumtime të shumta kanë treguar se xhenxhefili nxit shëndetin e organizmit në përgjithësi, e substancat e tij kundër viruseve dhe mikrobeve ju mbajnë të shëndetshëm midis gripit dhe ftohjeve.

MENTA

Është burim natyral i mentolit, prandaj çaji nga menta ndihmon te sinuset e bllokuara dhe pezmatimi i fytit. Konsumimi i përditshëm i çajit forcon sistemin imun, e hulumtimet kanë vërtetuar se çaji nga menta ndihmon në uljen dhe rregullimin e temperaturës së trupit.

(Kosova Sot Online)