Mposhteni sezonin e teshtitjes me këto pesë ilaçe shëruese

  • E.K /
  • 24 shtator 2020 - 13:04
Mposhteni sezonin e teshtitjes me këto pesë ilaçe shëruese

Ju intereson se cilat janë ato ilaçe bimore, që luftojnë gripin? Në vijim ju sjellim pesë nga më të mirat, që ju shpëtojnë në sezonin e gripit.

XHINSENGU

Studimi jo shumë kohë më parë ka treguar se si xhinsengu, pos se i ndihmon trupit në përgjithësi, ndihmon edhe në parandalimin dhe shërimin e gripit. Sang-Moo Kang nga fakulteti në Gjeorgjia, në vitin 2014 ka publikuar studimin, që ka treguar se si xhinsengu ndihmon në shërimin e gripit dhe organeve të frymëmarrjes, si dhe të gjitha viruset, që sulmojnë mushkëritë. Rrënja e xhinsengut përmban substanca, që forcojnë gjendjen e përgjithshme të organizmit, ndihmon te inflamacionet e nyjave, pengesat në tretje, lodhje, pagjumësi, ndikon në mungesën e gjakut, e forcon sistemin imun dhe stresin. Njëherësh xhinsengu shton aktivitetin e rruazave të bardha të gjakut, që luftojnë kundër infeksioneve me baktere dhe infeksione dhe paraqet një ilaç të obligueshëm kundër gripit dhe sëmundjeve të tjera "dimërore".

ORIGANO

Shërueshmëria nga kjo bimë vjen nga aroma e saj intensive, vaji esencial, falë të cilit vepron si antibiotik natyral, ndikon si preparat për kollitje dhe ndikon te inflamacionet e sinuseve, dhimbjet e fytit dhe gripi. Vaji i fituar nga gjethet e origanos përmban substancën karvakrol, që përmban veti të larta kundër baktereve. Vaji i organos ka ndikim të madh në bakteret patogjene.

SHTOGU

Shpeshherë dimë të përgatisim shurup vendor nga shtogu, por është shumë interesant se sa shumë veti ofron kjo bimë për organizmin e njeriut. Pos se na e forcon sistemin imun, parandalon edhe simptomat e gripit. Në revistën "Journal of International Medical Research" është publikuar studimi nga viti 2000, në të cilin thuhet se si 'ekstraktet e shtogut' shpeshherë ofrojnë tretmanë të lirë, të sigurta dhe efikase kundër gripit.

"EHINACEA"

Kjo është një bimë, e cila ndikon në përmirësimin dhe forcimin e sistemit imun të njeriut, ndikon edhe në luftën kundër infeksioneve dhe inflamacioneve, si dhe kundër viruseve, e falë antioksiduesve forcon sistemin imun. Hulumtimet kanë treguar se bima "ehinacea" përdoret në kombinim me vitaminën C, e kështu për 85 për qind pakëson gjasat, që të ftoheni apo të prekeni nga gripi.

HUDHRA

Hudhra është ilaçi më i mirë i njohur natyral. Pos se është antibiotik i fortë, që nuk shkatërron bakteret e shëndetshme, në krahasim me dëmet që i bëjnë antibiotikët kimikë. Falë përbërësit të saj të fortë, alicinës, hudhra ka një efekt prej një antibiotiku natyral. Parandalon rritjen e baktereve dhe me sukses shkatërron viruset dhe kërpudhat, kështu që është shumë efektiv kundër ftohjes dhe gripit. Ekspertët sugjerojnë konsumimin e 2 deri 5 gr hudhër të freskët në ditë.

(Kosova Sot Online)