Lexoni edhe:
“Gishtat Covid”, simptoma e re e koronavirusit
Ja si ta përmirësoni memorien shpejt e shpejt
Një studim i bërë tash së fundmi, e që u publikua në revistën "Legal and Criminal Psychology", thoshte se, duke mbyllur sytë, ju mund t'i rikujtoni gjërat më mirë. Në studimet që u bënë, kërkuesit shkencorë kërkuan nga njerëzit që ta shikonin një film të shkurtër, e më pas t'i rikujtonin detajet, duke u përgjigjur në disa pyetje në lidhje me atë film. Ata që, sipas instruksioneve, mbanin sytë e mbyllur, jepnin më shumë përgjigje të sakta, sesa ata që i mbanin sytë hapur.
Dy studimet e përbashkëta kishin rreth 178 pjesëmarrës, të cilët kishin shikuar një film rreth plaçkitjes. Rezultatet e këtij studimi bëjnë me dije se largimi i gjërave që interferojnë nga ambienti i jashtëm, thjesht duke mbyllur sytë, mund të na ndihmojë në përqendrimin më intensiv, për të mbajtur mend pjesët e informatave. Kjo e lehtëson dukshëm rikujtimin e detajeve të vogla.
(Kosova Sot Online)
