8 ushqimet që ju mbrojnë nga diabeti

  • E.K /
  • 01 mars 2021 - 12:54
8 ushqimet që ju mbrojnë nga diabeti

Niveli i lartë i sheqerit në gjak, jo vetëm se dërgon te diabeti, por sigurisht se shkatërron veshkat, pankreasin dhe mëlçinë. Në vijim ju paraqesim tetë nga artikujt ushqimorë, që parandalojnë këtë sëmundje.

BORONICAT

Një dozë ditore e fitokemikateve nga boronicat shton ndjeshmërinë e organizmit në insulinë dhe ul rrezikun nga diabeti. Boronicat pos se posedojnë pak sheqer, janë të pasura edhe me antioksidues, duke ulur rrezikun edhe nga kanceri dhe Alzheimer-i.

AVOKADO

Edhe pse është kalorik, ndihmon në rregullimin e sheqerit në gjak. Është i pasur me yndyra të shëndetshme, që ngadalësojnë rënien e sheqerit në gjak, e me këtë lëshojnë dhe pak insulinë. Avokado është i pasur edhe me betasitosterol, substancë që qetëson ndezjen e muskujve pas ushtrimeve.

FARAT ÇIA

Ky lloj i drithit të lashtë pa gluten ekuilibron sasinë e sheqerit në gjak, shton ndjeshmërinë ndaj insulinës dhe lehtëson simptomat e sindromës metabolike dhe kërcimin e sheqerit në gjak pas shujtave. Pos kësaj, farat çia parandalojnë infeksionet e janë të pasura me fibra, magnez, kalcium, kalium dhe hekur.

KANELLA

Te personat që vuajnë nga diabeti, qelizat më mirë reagojnë në insulinë pas një doze ditore me kanellë. Kjo përshpejton edhe humbjen e kilogramëve. Vetëm gjysmë lugë në ditë për tri javë rresht, mund ta zvogëlojë sasinë e sheqerit në gjak për 20 për qind.

MANGO

Ndoshta sipas shijes është i ëmbël, por ekspertët amerikanë theksojnë se si 100 gramë mango në ditë mund ta ulë nivelin e sheqerit në gjak te personat me mbipeshë. Po ashtu, është i pasur me më shumë se 20 lloje të ndryshme të vitaminave dhe fibra.

ERËZAT

Nga kumina dhe kurkuma, e po ashtu dhe xhenxhefili, erëzat jo vetëm se janë përplot me fitokemikate që ulin shtypjen e gjakut, por përshpejtojnë edhe shkrirjen e kilogramëve dhe lehtësojnë metabolizmin e sheqerit.

VAJI I ULLIRIT

Të pasura me aminoacide dhe me yndyra të shëndetshme, parandalon grumbullimin e dhjamit përreth barkut, por edhe rezistencën ndaj insulinës. Pos kësaj, nxit sekretimin e hormonit leptinë që thyen urinë dhe shpejt do të ngopeni nëse hani një sallatë të erëzuar vaj ulliri.

VEZËT

Njerëzit me mbipeshë, kafjalli i të cilëve kishte përfshirë dy vezë të ziera, kishin humbur 65 për qind më shumë kilogramë se sa ata që kanë ngrënë kalori, por pa vezë. Nutricistët sugjerojnë se si vezët kontrollojnë urinë duke zvogëluar çrregullimet e insulinës pas shujtës.

(Kosova Sot Online)