Lexoni edhe:
Gjithçka që duhet të dini rreth kancerit të veshkave
Heqja e qimeve në hundë mund të jetë kërcënuese për jetën
Heqja e qimeve është bërë gjithnjë e më ekstreme në ditët moderne.
Videot e depilimit të hundës janë gjithkund në TikTok dhe Instagram, duke grumbulluar miliona shikime.
Depilimi i hundës përfshin futjen e një aplikuesi me dyll në vrimë të hundës dhe lënien aty për t’u forcuar.
Më pas, kur e heq aplikuesin, ai sjell me vete tufa qimesh. Nuk mund të fajësoni dikë që dëshiron t’i mbajë qimet e hundës të rregullta, veçanërisht nëse ka një sasi të tepërt.
Meshkujt kanë më shumë gjasa të kenë qime që mbijnë nga hunda. Por gratë mund të kenë më shumë gjasa të bëjnë më shumë për të hequr çdo shenjë qimesh në hundë.
Megjithatë, një mjek ka paralajmëruar kundër këtij trendi të fundit të bukurisë dhe pse nuk duhet t’i nxirrni kurrë qimet e hundës nga rrënja. Duke vepruar kështu mund të çojë në një infeksion kërcënues për jetën e trurit.
Duke postuar në Instagram, Dr. Karan Raj, tha: “Ju keni dy lloje qimesh në hundë. Ju keni cilia mikroskopike, këto filtrojnë mukozën dhe e dërgojnë atë në pjesën e pasme të fytit ku përfundon në stomak”.
“Dhe vibrissae, ato të mëdha që dëshironi të hiqni. Këto pengojnë grimcat e mëdha që të arrijnë në pjesën e pasme të hundës. Nëse i shkulni, mikrobet rreth folikulit mund të futen brenda duke shkaktuar infeksion”.
Mjeku i NHS tha që ngatërrimi me qimet në hundë mund të ketë pasoja të mëdha për shkak të “trekëndëshit të rrezikut”. Trekëndëshi i rrezikut është një pjesë e fytyrës nga ura e hundës në çdo cep të gojës.
Konsiderohet si një zonë e rrezikshme për të marrë një infeksion – si p.sh. nga shpimi i hundës ose puçrra – sepse ka një rrugë kaq të lehtë për në tru.
Dr Raj tha: “Kjo ndodh sepse të njëjtat vena që nxjerrin gjakun nga hunda takohen me venat që nxjerrin gjakun nga truri. Pra, nëse mikrobet përfundojnë në tru, mund të shkaktojë inflamacion të trurit, ndonjëherë duke rezultuar në abscese të trurit”.
(Kosova Sot Online)
