Lexoni edhe:
Rritet numri i rasteve të Infesioneve Urinare! Konsulta me Mjekun nefrolog zgjidhja e duhur
Me ndihmën e kësaj vitamine mund të reduktoni stresin, ankthin dhe depresionin
Marrja e suplementeve me dozë të lartë të vitaminë B6 mund të ndihmojë në reduktimin e ndjenjave të ankthit dhe depresionit, zbulon një studim i ri.
Studiuesit nga Universiteti Reading në Angli raportojnë se njerëzit që marrin vitaminë B6 në dozë më të lartë sesa ajo e rekomanduar, kanë shfaqur më pak shenja shqetësimi dhe dëshpërimi.
Vitamina B6 ndihmon trupin të kthejë proteinat dhe karbohidratet në energji dhe gjithashtu luan një rol të rëndësishëm në sistemin nervor. Ai gjithashtu rrit prodhimin e trupit të GABA (Acidi Gama-Aminobutirik), një kimikat që bllokon impulset midis qelizave nervore në tru.
Vitamina B6 gjendet natyrshëm në një shumëllojshmëri ushqimesh, duke përfshirë salmonin, tonin, qiqrat dhe bananet.
“Funksionimi i trurit mbështetet në një ekuilibër delikat midis neuroneve ngacmues që mbajnë informacion përreth dhe atyre frenues, të cilët parandalojnë aktivitetin e arratisur,” thotë Dr. David Field nga Universiteti i Reading.
Vitamina B6 ndihmon trupin të prodhojë një lajmëtar specifik kimik që frenon impulset në tru dhe studimi ynë e lidh këtë efekt qetësues me ankthin e reduktuar tek pjesëmarrësit.
Eksprtët në Britani të Madhe rekomandojnë që njerëzit të mos marrin dozë të lartë të kësaj vitamine, më shumë se 200mg në ditë, pasi mund të çojë në humbjen e ndjenjës në krahë dhe këmbë. Në disa raste, kjo është bërë e përhershme tek njerëzit që kanë marrë doza shumë të mëdha për disa muaj.
(Kosova Sot Online)
