Lexoni edhe:
A e dini se gjysmë ore nervozë në ditë të bën mirë
Mishi i përpunuar dëmton jashtëzakonisht zemrën
Një studim nga Universiteti McMaster zbuloi një lidhje midis ngrënies së mishit të përpunuar dhe një rreziku më të lartë të sëmundjeve kardiovaskulare.
Ky informacion vjen nga rezultatet shëndetësore të më shumë se 130 mijë njerëzve nga 21 vende të botës, të cilët u anketuan në lidhje me konsumin e mishit dhe sëmundjet kardiovaskulare.
Pas gjurmimit të pjesëmarrësve për gati një dekadë, studiuesit zbuluan se ngrënia e më shumë se 150 gram mish të përpunuar në javë lidhej me një rrezik 46 përqind më të lartë të sëmundjeve kardiovaskulare dhe 51 përqind më të lartë të vdekjes në krahasim me ata që nuk hanin ushqime të përpunuara.
Megjithatë, studiuesit zbuluan se konsumimi i moderuar i mishit të papërpunuar kishte një efekt neutral në shëndet.
“Të gjitha të dhënat e disponueshme sugjerojnë se konsumimi i një sasie të moderuar të mishit të papërpunuar si pjesë e një modeli të të ushqyerit të shëndetshëm ndoshta nuk është i dëmshëm,” tha Mahshid Dehghan, një studiues në Institutin Mcaster për Kërkimin e Shëndetit Publik (PHRI) në Universitet.
(Kosova Sot Online)
