Lexoni edhe:
Ja pse përloten Luizi dhe Kiara
Pse hapen më shumë sytë në rast të frikës?
Hulumtuesit, të udhëhequr nga Prof. Adam Anderson prej 'College of Human Ecology of Cornell University', kanë publikuar studimin e tyre në revistën 'Psychological Science', në të cilin sugjerojnë që shprehjet e fytyrës bazohen në reagimet emocionale që bëjnë që sytë tanë të përqendrohen në zbulimin e kërcënimeve të paidentifikuara.
Kur sytë hapen më shumë, siç bëjnë në rast të frikës, hulumtuesit thonë se një gjë e tillë e rrit ndjeshmërinë dhe zgjeron fushën tonë të shikimit për ta identifikuar rrezikun e mundshëm. Në anën tjetër, kur sytë tanë mbyllen për shkak të neverisë, kjo e bllokon dritën dhe bën që të përqendrohen për ta përcaktuar burimin e pakënaqësisë sonë, transmeton gazeta “Kosova Sot Online”. Ekipi thotë se zbulimet e tyre sugjerojnë që shprehjet e fytyrës së njeriut bëhen për shkak të reagimeve adaptuese ndaj stimuluesve në mjedisin tonë, jo si sinjale sociale të komunikimit, gjë që i mbështet teoritë e Charles Darwin-it për evolucionin e emocioneve nga shekulli i 19-të.
(Kosova Sot Online)
