Lexoni edhe:
Gjesti e zbulon për herë të parë me kënd është i martuar
Fasulet janë një burim i proteinës bimore
Nëse mendimi që ju pengon të konsumoni më shpesh fasule është fryrja e barkut që shkaktojnë, ndoshta duhet të rishikoni qëndrimin tuaj.
Sipas dietologeve, fasulet janë pjesë e një kategorie unike super ushqimesh, pasi janë njëkohësisht burim proteinash dhe karbohidrates komplekse.
Vetëm gjysmë filxhani me fasule të zeza përmban rreth 8 gram fibra, që përbën afërsisht 25% të nevojave ditore për fibra. Por nuk është vetëm kjo, fasulet janë gjithashtu një burim i shkëlqyer i proteinës bimore.
Për më tepër, gjysmë filxhani fasule përmban nga 300 deri në 500 miligramë kalium, një mineral thelbësor për kontrollin e tensionit të gjakut. Ato përmbajnë gjithashtu sasi të larta bakri, acid folik, hekur, magnez dhe vitaminë B6.
Dietologet thonë se fibrat e fasulet ndihmojnë në reduktimin e kolesterolit që përthithet gjatë ngrënies, kontrollojnë nivelin e sheqerit në gjak, parandalojnë kapsllëkun, mbrojnë nga kanceri i zorrës së trashë dhe ndihmojnë në ruajtjen e peshës trupore.
Studime të ndryshme kanë treguar se konsumimi i rregullt i fasules lidhet me peshë më të ulët trupore dhe me një perimetër më të vogël të belit.
Për të shmangur fryrjen dhe gazrat, rekomandohet që fasulet të qëndrojnë në ujë gjatë natës para gatimit. Po ashtu, shtimi i bimëve si qimnoni, koriandri, kopra apo xhenxhefili në gatim, mund të ndihmojë në qetësimin e zorrëve “të zhurmshme”.
(Kosova Sot Online)
