Si babai si biri, djali i Suarezit e kafshon babanë e vet në krah
Një fotografi e Luis Suarezit me djalin e vet të vogël është duke bërë bujë të madhe nëpër rrjetet sociale. Lautaro duke e kafshuar babanë e vet në të njëjtën mënyrë siç Suarezi kishte bërë në disa raste me kundërshtarët e tij.
Të shtunën mbrëma, gjatë kohës kur Barcelona po e festonte titullin në La Liga në Camp Nou, djali i vogël i Luis Suarezit, Lautaro, e bëri imitimin më të mirë të babait të vet kur ia kafshoi krahun në fushë.
Dhe nuk u desh shumë kohë që kjo fotografi ta bëjë xhiron e botës nëpër rrjetet sociale.
Siç duket ky veprim është traditë në familjen e Suarezit. Numri 9 i Barçës i kishte kafshuar kundërshtarët e tij në tri raste.
Suarez u pezullua me nëntë ndeshje mos lojë për Kombëtaren e tij, pasi e kishte kafshuar Chiellinin gjatë një ndeshjeje të Kupës së Botës mes Uruguait dhe Italisë më 2014, si dhe u pezullua nga të gjitha aktivitet e futbollit për katër muaj, edhe pse ndëshkimi i tij u lehtësua më vonë.
It runs in the family pic.twitter.com/hCC7zAxQCs
— Jack Kenmare (@jackkenmare_) April 27, 2019
That is really Luis Suarez‘s son, no doubt pic.twitter.com/icE4IYKchx
— Tancredi Palmeri (@tancredipalmeri) April 28, 2019
(Kosova Sot)