Edon Zhegrova e Albian Ajeti fluturojnë si shqiponja
Edon Zhegrova dhe Albian Ajeti e kanë gjetur një kohë për t’u freskuar, teksa po i zhvillojnë përgatitjet me ekipin e tyre, Basel. Ata shihen në një fotografi duke kërcyer në ujë, ndërkohë që me duar e formojnë shqiponjën dykrenore
Edon Zhegrova dhe Albian Ajeti janë në vlugun e përgatitjeve parasezonale me ekipin e tyre, Basel.
Mirëpo, dyshja shqiptare nga Kosova e ka gjetur një kohë të lirë për t’u freskuar.
Në fakt, futbollisti i Përfaqësueses së Kosovës dhe ai i Përfaqësueses së Zvicrës, të cilët janë bashkëlojtarë tek Baseli, shihen në një fotografi të postuar në Instagram duke “fluturuar” në ujë, teksa e formojnë me duar shqiponjën dykrenore, simbol i shqiptarëve.
“Duke fluturuar lart me vëllain tim, Edon Zhegrova, si shqiponja”, ka shkruar Ajeti në Instastory.
Të njëjtin postim e ka bërë edhe ylli i ri i “Dardanëve”, i cili iu bashkua Baselit në fillim të këtij viti.
Futbollistët shqiptarë që luajnë jashtë vendit asnjëherë nuk e harrojnë origjinën e tyre.
(Kosova Sot Online)
