Pepe humb durimin, zemërohet me djaloshin që mbledh topat
Pepe u kthye në vëmendjen e tifozëve të futbollit sërish me një veprim të tij pas një ndeshjeje që u zhvillua të dielën, kur refuzoi t’ia japë dorën një djaloshi që mbledh topat në stadium.
Mbrojtësit të Portos, Pepes, iu afrua një djalosh i vogël në fund të ndeshjes, që përfundoi me barazim me rezultat 1:1 kundër Belenenses.
Megjithatë, Pepe, që është i njohur për disa incidente kontroverse në fushën e blertë, iu përgjigj me zemërim djaloshit dhe e largoi dorën e tij nga ai.
Në të kaluarën, përkrah Sergio Ramosit, Pepe e kishte drejtuar një mbrojtje të Real Madridit që ngjallte frikë në Evropë. Dyshja i zemëronte tifozët kundërshtarë, veçanërisht Pepe i cili më vonë e humbi vendin në formacion shkaku i Raphael Varanes.
Pepe i kishte fituar tre tituj të La Ligës dhe tre tituj të Ligës së Kampionëve gjatë kohës së tij në kryeqytetin spanjoll. Gjatë kësaj kohe ai kritikohej për sjellje jashtë “fairplay-t” dhe për ndërhyrjet e ashpra.
concordo com o texto. pic.twitter.com/QQkneDkdUP
— Hugo Gil (@HugoGil07) December 9, 2019
(Kosova Sot Online)