Lexoni edhe:
Granit Xhaka po shkëlqen, në formacionin e më të mirëve të sezonit në Bundesliga
Kërkon sanksione nga FIFA, Izraeli kërcënon presidentin e Federatës Palestineze të Futbollit: Do të arrestojmë
Mes Izraelit dhe Palestinës është luftë në çdo front, edhe në sport. Ministri i jashtëm izraelit, Yisrael Katz, ka paralajmëruar presidentin e Federatës Palestineze të Futbollit, Jibril Rajoub, se nëse nuk ndalet me kërkesat e tij drejtuar FIFA do ta arrestojnë, transmeton "Kosova sot Online".
“Ne po punojnë për të kundërshtuar planin e tij, por nëse ai nuk ndalet, do ta arrestojmë”, u shpreh ministri izraelit.
Presidenti i Federatës Palestineze, Rajoub, i ka kërkuar FIFA-s që të sanksionojë Izraelin pasi për të, Izraeli ka shkelur të drejtat e njeriut. Kjo kërkesë e Palestinës do të diskutohet në kongresin e FIFA-s që do të zhvillohet në Bangkok më 17 maj.
Kërkesa e Palestinës do të jetë edhe çështja kryesore në këtë kongres të FIFA-s.
(Kosova Sot Online )
