Penalltia e Neymarit në finale të kupës bëhet virale

  • S.A /
  • 01 August 2020 - 10:03
Penalltia e Neymarit në finale të kupës bëhet virale

Ylli i Paris Saint-Germainit, Neymar, ka marrë lëvdata të shumta për mënyrën se si e realizoi penalltinë kyçe në ndeshjen kundër Lyonit në finale të Coupe de la Ligue.

Paris Saint-Germaini është shpallur kampion i edicionit 2020 të Coupe de la Ligue të premten, pasi arriti të triumfojë kundër Lyonit në penallti.

Parisienët i kanë fituar katër trofetë vendore në Francë, duke e shtuar Coupe de la Ligue në koleksionin e trofeve të fituara këtë sezon, bashkë me Ligue 1, Coupe de France dhe Trophee des Champions.

Paris Saint-Germaini do të tentojë ta fitojë edhe një trofe të pestë këtë sezon, atë të Ligës së Kampionëve, pasi kjo mundësi s’do t’i jepet në të ardhmen. Ky edicion i Coupe de la Ligue do të mbetet i fundit, pasi Federata lajmëroi në shtator se kjo garë s’do të zhvillohet nga sezoni i ardhshëm.

Kjo finale e fundit nuk ishte aq argëtuese sa do të kishin dëshiruar shumë tifozë, pasi që nuk u shënua asnjë gol në kohën e rregullt e as në kohën shtesë dhe fituesi u zgjedh vetëm përmes penalltive.

Lyoni i shënoi të gjitha pesë penalltitë e para, kështu që Neymari duhej ta shënonte patjetër penalltinë e tij dhe braziliani është bërë viral në rrjete sociale për ftohtësinë me të cilën e përballoi atë presion.

(Kosova Sot Online )

gazeta kosovasot Kosovare penallti neymar finale kupa