Lexoni edhe:
Milani në ethe, Lëndohet Ibrahimovic
Pas Piques dhe Robertos, lëndohet edhe Dembele
Ousmane Dembele i është bashkuar Gerard Piques dhe Sergi Robertos në listën e të lënduarve në skuadrën e Barcelonës gjatë fundjavës. Anësori francez është ankuar për dhimbje krahu pas humbjes kundër Atletico Madridit të shtunën.
Dembele e lëndoi krahun pas një rrëzimi në pjesën e parë, edhe pse e vazhdoi lojën. Ai kërkoi ndihmë mjekësore pas një dueli me Tannuck Carrasco, por Ronald Koeman vendosi ta mbante në fushë.
Shkalla e lëndimit të tij pritet të mësohet sot pas testeve që iu nënshtrua ai të dielën.
Barcelona ende nuk ka dalë me raport për gjendjen e tij, edhe pse dje njoftoi për lëndimet e rënda të Pique dhe Roberto.
Duke qenë se Dembele ishte në gjendje ta vazhdonte ndeshjen të shtunën, ka shpresa se lëndimi i tij nuk është serioz.
Ai, megjithatë, mund të mungojë në ndeshjen e ardhshme të Barcelonës, të martën kundër Dynamo Kyiv në Ligën e Kampionëve.
Sulmit të Barcelonës i mungon edhe Ansu Fati për shkak të një lëndimi.
(Kosova Sot Online )
