Lexoni edhe:
E ardhmja e Chiellinit jashtë Evropës
Tare është kundër shitjes së Muriqit
Drejtori sportiv i Lazios beson ende në sulmuesin kosovar, i cili këtë sezon ishte dështim. Por, presidenti Claudio Lotito dhe trajneri Simone Inzaghi mendojnë ndryshe – nuk llogarisin më në 27 vjeçarin, i cili kërkohet nga klubet turke. Sezoni i parë në Lazio ishte dështim për Vedat Muriqin.
Sulmuesi kosovar nuk arriti të ambientohej si duhet në kryeqytetin italian.
Problemet me lëndime dhe me koronavirus e lanë prapa atë.
Mediat italiane vazhdimisht kanë shkruar se përfaqësuesi kosovar do të largohet nga Lazio gjatë verës që vjen.
Mirëpo, të njëjtin mendim nuk e ka edhe drejtori sportiv i këtij klubi, Igli Tare.
Portali “CittaCeleste” raporton se Tare beson ende në aftësitë e prizrenasit dhe e ka ndërmend t’ia japë edhe një rast sezonin tjetër.
Sidoqoftë, drejtori sportiv duhet të bie në ujdi me presidentin Claudio Lotito dhe trajnerin Simone Inzaghi.
Këta të dy duket se i kanë çuar duart lart për Muriqin dhe e preferojnë më shumë largimin e tij.
Mbetet të shihet edhe se cila është dëshira e sulmuesit shtatlartë, i cili ka kontratë me Lazion deri në vitin 2025.
Ish-futbollistin e Rizesporit ndërkohë po e kërkojnë ish-klubi i tij, Fenerbahçe dhe Besiktasi.
(Kosova Sot Online )
