Pjanic ka probleme me Koemanin
Largimi i mesfushorit boshnjak nga Barcelona duket se është i pashmangshëm. Nuk përjashtohet mundësia që ish-futbollisti i Romës të rikthehet në Juventus
Miralem Pjanic është pranë largimit nga Barcelona.
Mesfushori boshnjak nuk sheh të ardhme në “Camp Nou” nën drejtimin e Ronald Koemanit, i cili u konfirmua së paku edhe një sezon.
Përfaqësuesi boshnjak e ka ndërmend të diskutojë me drejtuesit e klubit për situatën e tij.
Mediumi “TV3” raporton se ish-futbollisti i Romës dhe Juventusit nuk i ka punët mirë me trajnerin holandez.
Andaj, ai i ka bërë valixhet gati për t’u largohet nga Katalunia, ku nuk e tregoi veten dhe kryesisht përfundoi në bankinë.
Sipas mediave italiane, nuk përjashtohet mundësia që 31 vjeçari të rikthehet në Juventus, prej nga kishte shkuar në klubin e La Ligas.
(Kosova Sot Online)