Vedat Muriqi e bën një premtim të madh për tifozët
Vedat Muriqi ka qenë edhe një herë hero i ekipit kombëtar të Kosovës.
Sulmuesi prizrenas e shënoi golin e barazimit ndaj Greqisë në ndeshjen e mbrëmshme të zhvilluara në stadiumin “Fadil Vokrri”, e vlefshme për kualifikimet e Botërorit 2022.
Sulmuesi shtatlartë ishte protagonist edhe në fitoren ndaj Gjeorgjisë disa ditë më parë.
Kosovën e pret një sfidë e vështirë të mërkurën.
Por, futbollisti i Lazios nuk ia ka frikën askujt.
Ai madje iu ka premtuar tifozëve se me shokët e tij do të japin gjithçka për fanellën e kaltër.
“Do të luftojmë deri në ndeshjen e fundit, deri në vërshëllimën e fundit”, ka shkruar Muriqi sot në rrjetin social “Instagram”.
Kosova u ngrit në kuotën e katër pikëve në vendin e tretë në Grupin B të kualifikimeve të Botërorit.
1 / 1
(Kosova Sot Online)
