Lexoni edhe:
Gracka e rrezikshme kundër shqiptarëve po përgatitet nga dinakët e politikës serbe në Beograd
Marcelo Brozovic dhe Nicolo Barella janë miq të mirë, prandaj kur kroatit i erdhi mundësia ta shënonte golin e parë në Ligën e Kampionëve, italiani e kreu pjesën e vet të punës.
Brozovic e theu akullin për Interin në pjesën e dytë pas shumë vuajtjeve të zikaltërve për të kaluar në epërsi kundër Sherif Tiraspolit.
Ishte një aksion i punuar shumë mirë kundër klubit moldavian, me Arturo Vidalin që ia pasoi topin Brozovicit pranë vijës së 16 metërshit.
Brozo i rrëzoi dy mbrojtës në tokë me një lëvizje mashtruese dhe e vendosi topin nga e majta në të djathtë.
Ai goditi pastaj me një teknik të përsosur, por Barella i kishte dalë në rrugë. Mesfushori italian e kuptoi shpjet situatën dhe u shtri në tokë për t’i liruar rrugë topit në drejtim të portës.
Brozovic e futi topin në qoshen e poshtme të portës për ta shënuar golin e parë në 27 paraqitje në Ligën e Kampionëve.
Brozovic dhe Barella janë miq shumë të mirë edhe jashtë fushës, si dhe kreatorët e mesfushës që ia fitoi Interin titullin në Serie A sezonin e kaluar.
Ata shpesh postojnë video në rrjetet sociale për t’u tallur me njëri-tjetrin, me Brozon që përdor moton: “Ku ndodhesh, Bare?”
Brozovic’in golünde Barella’nın asisti ?? pic.twitter.com/2YAjFLyY1U
— Calcio Türkiye ???? (@CalcioTurkey) November 3, 2021
(Kosova S0t Online )